Dr. Agcaoili, agsarita iti pasken ti GLU: Hulio 4
June 26, 2009 by Bilingual Pen filed under EventsNews | 354 viewsNi 2009 Pedro Bucaneg Awardee Dr. Aurelio S. Agcaoili ti kangrunaanto nga agsarita� iti strategic planning workshop� ti GUMIL La Union (GLU) a maangay inton Hulio 4, 2009 iti National College of Science and Technology (NCST), Siudad ti San Fernando.
Panggep daytoy a pasken ti GLU, a dar-ayanto met dagiti opisialna, a sangalen dagiti vision ken mission ken policy statements ti gunglo tapno adda pagturonganna a kas mabigbig nga asosasion dagiti mannurat nga Ilokano iti La Union.
Kiniddaw ngarud ti GLU, nga idauluan ni Djuna R. Alcantara, ken ni Dr. Agcaoili nga umaynanto ibinglay dagiti pampanunotna maipapan ti pannakaparaniag ti masakbayan ti literatura ni Ilokano.
Mangisursuro ni Dr. Agcaoili iti literatura/kultura ni Ilokano iti University of Hawaii, ngem adda ita ditoy Filipinas.
Daytoy agmalmalem a pasken ket paset dagiti naikalendario a kapatgan a tamingen ti GLU ita a tawen. (Odilon E.Arizala)
VF
Nasayaat man a makita nga adda dagitoy a ganuat dagiti GUMIL chapters; mangipakita a saanda a nabukel tapno laeng maipablaak dagiti nagnagan dagiti miembro.
I suggest that there should also be Leadership Training and Parliamentary Procedure Basics, para kadagiti miembro ken opisyal. Saan a panangtagibassit no di ketdi “mangipalagip” kadagiti pagrebbengan ti tumunggal maysa. To assume that everybody knows how to conduct and or behave in a meeting is fatal to the organisation. Amang a nalaklaka ti agaramid kadagiti pagannurotan no amin a miembro ket ammoda a paglasinen ti ‘bagas’ ken ‘itta’. Daytoy met ti kasayaatan a wagas tapno agbain dagitay miembro a ti la bagbagida ti ammoda a saritaen instead of contributing relevant matters a maidasar kadagiti miting.
Kas tay kunadan, kaaduan a meeting ket awan ti makita a kongkreto a mapagnunumuan ta dominaran met dagitay ‘puyot’ hehehe!
ala, suggestion laeng dayta a, kakabsat. Wen, napadaskon ket iti kastoy a naarisitko dagiti ‘napudno’ manipud kadagiti ‘buakaw’!
June 29th, 2009 at 7:29 pm