sam-it isem mo
May 21, 2009 by manonton dalan filed under Poetry | 461 viewsadda isem ko nga agpanpannonot
kadagiti napalabas nga agog-uggot
mangparnuay bang-ar toy pusok
arig ko la tay ubing agsuksukisok
adut namnamana nga makabirok
nalimlimed a natakneng a panonot
adda silaw amianan naakikid man
mangpalawag nasipsipnget a dalan
iwalinwalin ko dagiti samsamek
barbareng matumpungak ulimek
tay agballaballa nga rayrayat utek
maarikap kon tay ung-ungto ti rason
agraman pudpudno nga aglaylayon
ngem no makitak ta sam-it isem mo
malipatak amin-amin nga turong ulo
kas ita mingmingmingan ka dungngo
diyak pay agkidemen gapu adda amak
nga makalasat pintas kadagitoy matak
uray la mawawak ngem iturtured ko
Click on the Image for Details
Rufus_Agtedted Leaking
Nagmayat ta capanunotam MD cabsat
A nangputar daytoy daniw, unyas ni ayat
Idatun mon kenkuana tatta simumulagat
Nacaisem, nacaru-ngi-it, nacaragragsac
Dica man madanagan ta uray ket siksika
Ti agrayo cadayta nain-langitan a parsua
Awan cabalubal mo, gutok pusom natalna
Dangayan met tay pudot dilam sarsarita
Adton parbangon siglatem ti bumangon
Inca mangala ti bunga’t atis a nalu-om
Iyatang mo idiay lugar abay ti carayom
Isap-sapom tay basi a dica met ininum
Cunada pangpatibker cano iti tumeng
May 21st, 2009 at 11:14 pmNo sap-sapuam basi dica agsarimadeng
Cucuam ton amin a dalikan ken gameng
Isem nan to, bagi ken ayatna lac-amem.
manonton dalan
narayo samiweng nga indaton mo
atis koma nga agpayso, amarillo
intuket no maltatan ni dungngo
daytoyen ubas, mas naim-imas
natubtubbog nalaka aguyas
ala! kasla met kawitan pamatyam
May 22nd, 2009 at 10:02 ambasi met pay isapsapom, anyan
mabalin sa tay lana ti ilang-ilang
mabang-aran rusok agraman bakrang
umayuom banglo na, karakep arasaas
ulimek parbangon buongen karasakas
Rufus_Agtedted Leaking
Alaem ta lana ti ilang-ilang
May 22nd, 2009 at 9:42 pmIsap-sapum dita sipsip-ang
Dagita ubas uray dua bilang
Natibker a cayo, inca iyatang