Da Virgilio S. Naungayan ti Candon City, Ilocos Sur ken Roy V. Aragon ti Iguig, Cagayan dagiti nangabak iti Umuna a Gunggona iti salip iti sarita ken daniw, kas panagsaganadda, ti 7th Reynald F. Antonio Awards for Iloko Literature (RFAAFIL 2008-2009) iti tema a tao kontra nakaparsuaan.

Impangabak ni Naungayan, maestro iti Darapidap Elementary School iti Candon, ti saritana a “Lapat.” Pinangabak met ni Aragon, tubo ti Mabasa, Dupax del Norte, Nueva Vizcaya, ti daniwna a “Baribari Kontra Bisin, Tig-ab Kontra Gawat: Dallang iti Nakaparsuaan ti Bagas.”

Dagiti dadduma pay a nangabak iti salip ti sarita:

Maika-2: Danilo B. Antalan ti Candon City, Ilocos Sur babaen ti saritana a “Ni Kanor ken Siak iti Taaw.”
Maika-3: Efren A. Inocencio ti Batac, Ilocos Norte babaen ti saritana a “Sangapulo ket Tallo a Lagip iti Sakaanan ti Kapitakan a Tanem.”
Maika-4: Reynaldo A. Duque ti Candon City, Ilocos Sur babaen ti saritana a “Troso.”
Maika-5: Clarito G. De Francia ti Baguio City babaen ti saritana a “Pannubok iti Usok.”

Dagiti naghurado: Francisco T. Ponce, pangulo; Juan Al. Asuncion ken Joel B. Manuel, kamkameng.

Dagiti dadduma pay a nangabak iti salip ti daniw:

Maika-2: Benjamin P. Pacris ti Vigan City babaen ti daniwna a “Tedted ti Dara ti Daniw iti Nagbenditaan a Bangabanga.”
Maika-3: Benjamin P. Pacris babaen ti daniwna a “Baribari ti Nabatbatian nga Ipes iti Payugpog ti Armageddon.”
Maika-4: Clarito G. De Francia ti Baguio City babaen ti daniwna a “Kiddaw-Pakaasi ti Goldfield.”
Maika-5: Agustin DC. Rubin ti Subic, Zambales babaen ti daniwna a “Mariknak ti Saem Dagiti Agarubos a Luam, Nanangko!”

Dagiti naghurado: Ariel S. Tabag, pangulo; Joel B. Manuel ken Daniel L. Nesperos, kamkameng.

Napadayawan dagiti nangabak bayat ti Maika-41 a Komperensia Nasional ti GUMIL Filipinas iti Our Lady of the Angels Seminary iti Quezon City a naangay idi Abril 11-12, 2009. (naadaw iti dadapilan.com)