Ni Reynaldo A. Duque ti Bagani Ubbog, Ciudad ti Candon, ti nangabak iti Umuna a Gunggona iti Salip iti Sarita ti 5th Sta. Raffaella (Roma, Italia) Ilocano Community Literary Awards. Pinangabakana ti saritana a �No Kasano a Maipasngay Dagiti Pasintawi� iti P12,000 ken sertipiko ti pammadayaw.

Dadduma pay a nangabak: Maika-2 a Gunggona: Virgilio D. Domaloy ti Sison, Pangasinan, babaen ti saritana nga �Angkel Neg: Agkamkamat iti Angin,� P10,000 ken sertipiko; Maika-3 a Gunggona: Arnold Pascual Jose ti Bacsil North, Ciudad ti Laoag, �Ti Lapida,� P8,000 ken sertipiko; ken

Tallo a Consolation Prizes: Eden Aquino Alviar ti Lapting, San Juan, Ilocos Sur, �Exodo�; Crisostomo M. Ilustre ti Bauang, La Union, �Da Migs ken Saty�; ken Claire A. Sumahit ti Ciudad ti Baguio, �Tagaang.�

Reynaldo A. Duque

Dagiti naghurado: Dionisio S. Bulong, pangulo; kamkameng da Juan S.P. Hidalgo, Jr. ken Cles B. Rambaud.

Iti met benneg dagiti agdadamo, ni manen Rolando D. Tubera ti Banna, Ilocos Norte, ti nangabak iti umuna a gunggona iti salip iti sarita para kadagiti agdadamo a mannurat iti 11th AMMA Foundation Literary Awards (AMMAFLA). Pinangabakna ti saritana a “Sangol” iti P10,000 ken sertipiko ti pammadayaw. Ni met laeng Tubera ti umuna a gunggona iti 10th AMMAFLA babaen ti saritana a “Burrarawit.”

Dadduma pay a nangabak: maika-2 a Gunggona (P8,500 ken setipiko): Alma P. Martinez ti Ciudad ti Candon babaen ti saritana a “Barbangisit”; maika-3 a gunggona (P7,000 ken seritpiko): Ronnie E. Aguinaldo, naipasngay iti Isla Camiguin iti Calayan, Cagayan ngem agnanaeden iti Villa, Sta. Teresita, Cagayan, babaen ti saritana a “Gagatangen nga Ayat.”

Dagiti naghurado: Juan Al. Asuncion, pangulo; kamkameng: Neyo Mario E. Valdez ken Ariel S. Tabag.

Iti sabali a bangir, indauluan ni Guillermo Concepcion ti Sinait, Ilocos Sur, dagiti nangabak iti Salip iti Daniw iti 11th Abuan-Valdez Awards for Iloko Literature (AVAIL) babaen ti daniwna a “Damiliem Tangkal Ti Birtud.”

Dadduma pay a nangabak: Maika-2: Maria Rosa A. Cabie ti Pinili, Ilocos Norte, “Andong, Denggem Dagitoy Arasaas”; Maika-3: Clarito G. Francia ti Manaoag, Pangasinan, “Naindaklan a Pagayam”; Maika-4: Stephen C. Balanza ti Bagani Campo, Ciudad ti Candon, “Amburayan”; ken Maika-5: Delfin P. Dumayas ti San Nicolas, Ilocos Norte, “Gameng Ti Isip.”

Dagiti naghurado: Ariel S. Tabag, Benjamin P. Pacris, ken Mindo Aquino.

Mayawatto dagiti gunggona dagiti nangabak bayat ti maika-41 a Kombension Nasional ti GUMIL Filipinas inton Abril 11-12, 2009 iti Novaliches, Ciudad ti Quezon. (Naadaw iti BANNAWAG)