Yalnag ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, ti libro a Sabong ti Biag ni 2008 Pedro Bucaneg Francisco T. Ponce ti GUMIL Oahu iti Maika-41 a Kombension Nasional ti gunglo inton Abril 11-12, 2009 iti Our Lady of the Angels Seminary, Brgy. Bagbag, Novaliches, Quezon City.

Impablaak ti GUMIL Filipinas, daytoy a libro ti nakailaonan ti sibubukel a nobela a �Sabong ti Biag� ni F.T. Ponce nga immuna a naiserye iti BANNAWAG manipud iti bilangna idi Hulio 18, 2005 agingga idi Abril 3, 2006.

Iti sabali a bangir, maipakaammo kadagiti kameng ti GF ken kadagiti mannurat nga agngayangay nga agkameng a makikoordinarda iti chapter president a makasakup iti probinsia a �yanda para iti panagpareserba ken dadduma pay nga annongen mainaig iti GF ken iti kombension.

Kadagiti saan a kameng ti GF, makikoordinarda iti Convention Secretariat iti CP 0918-7458792. Agingga laeng iti Marso 23 ti panagawat iti reserbasion. Kuna ti liderato ti GF a nasken ti panagpareserba tapno ammo ti GF ti isagsaganaanna a bilang dagiti delegado.

Maipalagip met a napagnunumuan dagiti opisial ken kameng ti BOD ti GF a P600 ti registration fee ti regular a delegado; P500 iti senior citizen idinto a P400 iti estudiante. (L.S. Fagaragan)

(Bannawag, Marso 23, 2009)