Naidatagen kadagiti hurado dagiti 13 a naisalip a sarita para ubbing iti Umuna a Prof. Honor Blanco Cabie Premio Iti Naisurat Iti Literatura Ilokana (Cabie PINILI), kas impakaammo ti Secretariat ti salip.

Dagiti naisalip: �Ni Xan Idi Naglibas iti Impierno” ni Dan Paraiso, “Ti Gayyem ni Doray” ni Manong Primo, �Dagiti Lua ni Yumina� ni Princess Kate Angela, �Ni Noel� ni Noel Leon, �Alsong, Bilog, Dalig, Kdpy.� ni Diosdado Ba�aga, �Ni Anya Manilenya ken ni Balong Promdi� ni Alpha Beth, �Ti Salip da Kalgaw ken Burarog� ni Lilo Illo, �Ti Baro a Bakasionko� ni Ni�o Cielo, �Dagiti Ansisit iti Bunton� ni Baing, �Da Lusiaw ken Pugot� ni Raya Iti Daya, Idi Indaw-asda ni Maestra Inglishera iti Planeta ti Samtoy� ni Sagibo T. Amianan, �Ti Manok ni Andy� ni Achim Manok, ken �Ti kariton ni Anton� ni Amado Guerrero.

Nairusat ti Cabie PINILI (Cabie Award for Written Iluko Literature) idi Nobiembre 2008 kas proyekto ti Membership Committee ti GUMIL Metro Manila a �pangparegta kadagiti pluma ni mannurat nga Ilokano a mangikur-it kadagiti ababa a sarita para kadagiti ubbing.�

Panggep ti Cabie PINILI ti ad-adda pay a pannakasukisk daytoy a sukog ti literatura kas pangpabaknang pay iti kultura ni Ilokano.

Pakaammuanto ti Cabie PINILI Secretariat dagiti tallo a nangabak kadagiti Umuna a Tallo a Gunggona babaen ti e-mail wenno selpon.

Maangay ti Awarding Ceremonies inton Abril 5, 2009 iti pagtaengan dagiti Cabie iti Brookside Hills Subd. iti daytoy nga ili, iti lawas ti anibersario ti pannakaipasngay ti ina ni Honor Blanco Cabie, ni dati a Francisca Toledo Blanco, maysa a biolinista ti Paoay, Ilocos Norte.

Agsaritanto met ditoy ni Engr. Ansel Cargo, presidente ti GUMIL Metro Manila.

Dagiti esponsor: Dr. Hermione Mary Anne Cabie-Santos, Harmony Francisca Cabie-Quinto ken Heracles Lord Bernardo A. Cabie.
Dagiti premio: P5,000 (Umuna a Gunggona); P3,000 (Maikadua a Gunggona); P2,000 (Maikatlo a Gunggona).

Makissayanto dagitoy iti 10 a porsiento ket maitedto iti Gunglo Dagiti Mannurat iti Metro Manila kas maiyataday iti immun-una a pakaammo ken pagalagadan nga inyetnag ti Pamilia Cabie.

(Cabie PINILI Secretariat)