makitkita kon dakkel nga kayo banyan
nakadeppa, ni apo init apan pasungadan
ayuyang da kamaina manong ken manang
agparpariir, makidangdanggay, agay-ayam
naturugen siyudad, nalmes aguyas nga ayat
narang-ay toy a lawas adda isem marigrigat

adu immay agpainana ramnan da biag kanaka
agpatawpataw ta playa, kulaap rabii agsalasala
im-imasen tedted mai tai, mangmangted liwliwa
mangparnuay pagindeg ken naemma nga estorya
mangngeg dagiti dipay nakapagnad toy ili hulahula
ket aggagar umay, mananam limed unas ken pinya

no koma adda kayod ta sangwanak apo
makitanak nga rakeprakep ko ni dungngo
buybuyaen mi nasapa nga mangngalap
dagiti aguk-ukrad nga agduduma nga layag
agek-agekan, salsalaan dat pul-oy ammianan
agraman puyotpuyotan naing-ingpis a gayadan

http://poemhunter.com/manonton-dalan/