Salip iti Sarita a Para Ubbing
December 4, 2008 by Bilingual Pen filed under Contest | 963 views1st Honor Blanco Cabie Premio iti Naisurat iti Literatura Ilokana (Cabie PINILI)
PAGANNUROTAN
1. Esponsoran daytoy ni Maria Rosa A. Cabie, kaingungot ni Honor Blanco Cabie, premiado a sumasalaysay ken mannaniw, agiwarwarnak, orador ken debatista, ken propesor pay iti Literatura ken Kinaagiwarwarnak iti Metro Manila, ken dagiti annakda. Naluktan daytoy a salip iti panagsurat iti Ababa a Sarita a Para Kadagiti Ubbing para kadagiti amin a mannurat iti Iluko ditoy Filipinas ken iti ballasiw-taaw.
2. Agatiddog ti sarita iti 7-12 a panid, naimakinilia wenno naikompiuter iti doble espasio iti 8 1/2 x 11 a papel a coupon bond. Maysa laeng a sarita ti mabalin nga isalip ti tunggal mannurat.
3. Masapul a ti parbo a nagan ti maikabil iti manuskrito a pakisalip. No ipatulod babaen ti email: dua nga MS Word document files ti idatag. Umuna, ti sarita a pakisalip. Maikadua, ti parbo ken pudno a nagan ken pakasaritaan ti biag ti autor. No ipatulod babaen ti koreo: uppat a kopia ti idatag ken pakuyogan ti entry iti narikpan a sobre a nakailanadan ti paulo ti sarita, parbo ken pudno a nagan ken kabibiag ti autor. No iti email, iturong iti arieltabag@yahoo.com. No iti koreo, ipatulod iti Cabie PINILI Secretariat, c/o BANNAWAG, Manila Bulletin Publishing Corporation, Muralla corner Recoletos Sts., Intramuros, Manila.
4. Makaammo ti makisalip a mangpili ti tema ti saritana, ngem masapul a mainaig iti kultura ni Samtoy.
5. Rumbeng nga orihinal, di pay naipablaak, di naadaw iti ania man a naipablaaken a sinurat, ken di pay nangabak iti ania man a salip iti panagsurat ti sarita nga isalip.
6. Agbalin a kukua ti esponsor dagiti nangabak a sarita. Maikkan pay iti
karbengan a mangedit, mangatur ken mangipablaak iti libro, magasin wenno periodikal a pilina nga awan sungsungbatanna iti autor. Ngem agtalinaed ketdi ti copyright iti autor.
7. Saan a mabalbaliwan ti pangngeddeng dagiti hurado� malaksid no maduktalan kalpasanna a linabsing ti mannurat ti Alagaden Bilang 5. Iti dayta a panaglabsing, maibabawi ti gunggona ket saanton a mapalubosan pay ti autor a makisalip iti ania man a salip nga esponsoran ti Cabie PINILI.
8. Dagiti gunggona: Umuna, P5,000; Maikadua, P3,000; ken Maikatlo, P2,000. Maikkatto ti 10 a porsiento iti tunggal premio ket maipan daytoy iti pundo ti GUMIL Metro Manila.
9. Mayawat dagiti premio inton Abril 5, 2009 iti Brookside Hills Subdivision, Cainta, Rizal a taeng ti esponsor.
10. Nasken a maawat ti pakisalip iti email wenno iti koreo iti saan a naladladaw ngem 11:59 p.m. iti Pebrero 28, 2009.
11. Saan a mapalubosan a makisalip dagiti kakabagian ni HBC ken dagiti esponsor iti likub ti 4th civil degree of consanguinity ken affinity. Mapawilan pay dagiti kameng ti BANNAWAG a makisalip.
12. Kadagiti agnaed iti Metro Manila a mangabak, maibabawi ti premio no dida agatendar iti Awarding Ceremonies, malaksid no mangipatulodda iti pannakabagida ken agsuratda a pangilanadanda no apay a dida makadar-ay ket, iti panirigan dagiti esponsor, nainkalintegan dayta a rason.
(Bannawag, Disiembre 8, 2008)
VF
Para bassit nga ubing wenno ubing a baket?
December 4th, 2008 at 3:27 pmjim agpalo
Basaenyo ti salaysay ni Rene O. Villanueva: “Ang Pagsusulat ng Kuwentong-Pambata” makatulong daytoy…lalo dayta edad…
i-google in tagalog, ta nalipatak a kinopia linkna, hehehe!
itoy salip, awan ti target age a kas iti palanca (7-12?)… ngamin nagduduma ti level ti kapanunotan ti makunkuna nga ‘ubing’… ti ubing koma ditoy ket di naikkan iti definition based on UNICEF…sabali ti level ti utek ti age 3-6 ket duman no kua ti presentation ti sarita a panangitutop
iyattiddogtayo laengen ti pannakaawattayo kadaytoy ta nalabit nga iti sumaruno, makorehirton agraman iti kinaawan ti sertipiko a maawat dagiti mangabak… kaniak a biang ti sertipiko ket di magatadan, ket diay singko mil ket agkurang pay nga itaya iti bulang
agyamantay ketdi ta adda ti kastoy a binusatan ni HBC… yatiddogtayon ti pannakaawattayo ti pagkuranganda ket datayon iti mangpunno….
December 4th, 2008 at 3:52 pmSherma E. Benosa
Oopppsss! Hello VF, hello Manong Jim.
Ney, ket addakay’ met gayam ditoy, kakabsat. Kaim-emailko ken ni Ariel re: edad ti target readers. Nakadepende ngamin no no kua ti tema, lenguahe, kaatiddog ti sarita, etc iti edad ti target readers.
Bareng mainayon pay iti pagalagadan. Ngem no saanen, ala ket kusto dayta kunam, Manong Jim. Ilawlawatayo lattan ti pannakaawattayo. Diak man nadlaw dayta kaawan ti sertipiko, hehehe. Baka surprise award ton. 
VF… siak man ti patpatamaam kadaytan. Ubing a baket ka diyan. Saan laeng a siak ti nataengan a mahilig iti children’s lit, no! Ken saan a dakes ti agbasa kadagitoy uray no nataengankan ta adu ti maadaadal kadagitoy. Basaem kadi diay The Little Prince…
December 4th, 2008 at 4:19 pmSherma E. Benosa
Manong Jim, daytoy man ti link ti kunkunam: http://www.panitikan.com.ph/criticism/pagsulatngkuwentongpambata.htm ginoogle ko. hehe. Madama a basbasaek.
December 4th, 2008 at 4:21 pmVF
in-Gelgel ko Ka Jim ngem nagpangkis met. Gayam, nalipatak a Pranse gayam diay G-edition nga ar-aramatek!
Ti panagkunak ket masapul nga i-specify ti age-range ti pasalip ta importante iti pannakahusgananto iti masakbayan; kasta met iti masanguanan a dayaw ti pasalip. Saan met pay siguro a naladaw tapno macha-cha ta kairuruarna met.
Husto ta kunam a sabali ti lenguahe ti bassit nga ubing kadaytay baby-baket.
“Ata, atoy, adiay,” kuna tay bebibaket.
“Dayta, daytoy, daydiay,” kuna tay nanakem a bebi.
“Data, datoy, dadiay,” kuna met tay bebi nga agkabaw.
No mairananto a saan a napagustuan tay hurado a ket medio menos-one ka kadaytay ammaw. NO met napagustuan ket plas-two kadaytay agubing-ubing!
Ala, awan gandatko a dakes ta kas tay kuna tay marabutit ko, …ay pusak gayam a bebi-bebi, “in union, there is strength!” (ne, bacnotan cement sa met daydiayen yos!)
December 4th, 2008 at 4:23 pmQuintin Mariano
Kablaawanka ading agramam kadaguiti amin a kasinsinnukat mo iti kapanunutan! Dr. Jim,Very Friendly a kabsat VF ken dadduma pay! Idi napan a Domingo no agtupra ka dita ruar sa mangipapudotka iti kape padigusem ta karabukob ngem annadam ta di aglupsit ta dilam ket no intangad mo ta tasam ket awanen ti agtedted, ‘tay tupram dita ruar lekkabem ket mabalinmon a pagkudkod; Ita a lawas nag-50C ket snow bank a pagassiket agrunrunawen ket sant aglamiisen. Sapay koma saanen nga ag-snow
February 15th, 2009 at 10:07 pmstorm
Ay wen gayam adda nabasak maipanngep iti SWS survey:57% of Filipinos read books in Pilipino,30% read ENglish and 13% Cebuano. How credible is that??? Ilokanos don’t know how to read books??? Wenno awan ti libro a naisurat iti Ilocano? Agsurat ka man ading…..kabaelam dayta,Kaduaanka nga aglako no kua.Pauluam no kua iti BALLAAG a kasinsin ti BANNAWAG. FIRE_POWER to you. SAanmo ipalubos a sutilenda ti utek ni BRAINTEASER! Good luck ading…QM