malagip ko agkanalboong a baro a tawen
nangikabilak pay sinsilyo idta arubayanen
pinalagtok pay dagiti maladaga namindua
nangibel-a agkakapintas sarita ken sapata
inarakop ko pay ni dungngo, agek indisso
apo la unay elle-ellek dagiti sumangsango

sumaganad nga bulan napnapnuan lalailo
napanak diyay tinda gimmatang sangapungo
nalabaga nga rosas, addaan kadua a pabanglo
inawisnak diay playa nangmalem diyay taaw
maay-ayatanak, bulandiro, bagi mi aglawlaw
pumaragsit tay rikriknak urayak la makariaw

nabiit nalpas panawen lamlam-ek, agyamanak
panawen panagbubusel agparang puspusaksak
kumarot sakit agong ko, ket apo maangsanak
naimbag la kitdi adda libri indyiksion ti turay
apag-biit, adadtaak ruar, nannanamek rang-ay
padasek diro bantay, isu agas ni apong lakay

umayen tikag, agrarasi roroot ken sangsanga
apo naglawaan met maur-uram nga dagdaga
adu awan gasat nagdapo dagiti balbalayda
naangrad mais, mani, utong, agraman trigo
bimmamabat karayan narasay sangpet todtodo
agyamanak nalangtot mulak, adda pay balayko

oktubre nadakesen, nagsuek balor ti negosyo
nagad-ado agrigrigat maaw-awanan trabaho
iguyod balayda tay nakautangan da bangko
danag singmangpet kagudwa met naawan ko
nakigtot turay isalbar da kano, awan pay banag
agyamanak adu paynga tawen ko a nakasadag

uray adu nga madi a padpadas, agyamanak pay
napigsa pay met bagbagik, turog nanamnam-ay
ngem no ti sungadek nga tawen napnuan papaay
maibturak ngata, arig ko tay upa tuloy karaykay
pudpudno na agyamanak kadakayo kakabsat ko
an-anus yo nga nagbasa kadagiti sinursurat ko

sherma agymanak ti panangpalubos mo nga isurat ko
dagiti saringit panonot ko. Diyos ti agngina. ami
ayam kompa,it ayam uti paladon(thank you very much,
my love for you people of the plains- kasinibe)

Last 10 posts by manonton dalan

• bird's eye view - December 17th, 2008
• karakrakep ko ni dungngo - December 7th, 2008
• ... siak met gayam - November 15th, 2008
• makitam aya - November 12th, 2008
• PARA KENKA SELYANG - November 11th, 2008
• amarillo sagumaymay init - October 31st, 2008
• binalbaliwan manen dagiti sapata - October 26th, 2008
• balasang nakalabbaga - October 16th, 2008
• even warmness keeps - October 13th, 2008
• naimas amin-amin ... malaksid - October 12th, 2008