Unnoy
November 21, 2008 by Corazon Quiamas filed under Poetry | 622 viewsAgunnoyak kenka
Kas nakaparintumeng a kurimatmat
Ti bulan; ilukatmo ta barukong
Ket silnagak nakatalimeng
A kaunggam; dimo ikumot
Ti nalamiis a riknam- perrengennak,
Guyodem dagiti kumarkarais a ramay
Iti rangkis lumlumseb a matak.
Ta sika ti bukodko a lawag
A makiinnartap raniag
Kadagiti bituen a purarem
Iti dayag; ta sika, wen,
Ti sangakopita a linnaaw
A maibukbok
Iti muging ti kada umay
Agbuniag iti ayat.
Click on the Image for Details
Sherma E. Benosa
Whew! Ehem!
Nagmayat la ketdin aya, Manong, ti pananglaglagam kadagiti balikasmo! Umapalak!
November 23rd, 2008 at 11:08 pmstern57
umaynak met manen agunnoy kenka ading
ta inka koma ituloy wenno imutektekan
diay blogko nabanglesen a pindam
isurunak koma man no kasano
iti innak pamay-an tapnon siakon
tay mangitultuloy tay pattam
ta ammok ti panawen mo nakisang.
Unnoy ko laeng nga umay aglailo
dita arpadmo adingko a dungngo
dimo koma kaniak ipaidam
dayta naruay a taludading
nga isut innak ap-apalan…bow!
ala kitaem ading no dika pay ka mamki kadaytoy un-unnoyko
arakup a nairut ading,mwuah!
naimbag nga oras yo amin a sangapada apo.
November 25th, 2008 at 3:51 am