Naimbag a damag para kadagiti mannurat nga Ilokano.

Itay nabiit, dua nga abong iti internet ti naiyalnag para kadagiti mannurat nga Ilokano: ti Daligcon Journal (http://daligconjournal.weebly.com) nga imatonan ni Nelson Daligcon, ken ti Basi & Daniw (http://www.basirepublic.blogspot.com) nga impatakder da Ariel S. Tabag ken Roy V. Aragon.

Agpada nga agawat iti submissions dagitoy a literary portal. Silulukat ti Daligcon Journal kadagiti daniw, salaysay, sarita, kolum, ken dadduma pay nga “adda pakainaiganna iti gimong” idinto a daniw met ti ipablaak ti Basi & Daniw. Maawis dagiti mannurat/mannaniw nga agipadigo kadagiti gapuananda. Ketdi, mapili wenno ma-edit dagiti gapuanan a maipablaak kadagitoy a website.