nangngeg ko kankasiyunem tay ayug
mariknak dagiti kutikutim ken indayog
sursureten ka dungngo, ibaddebaddek
kot nainnayad arig tay kulibangbang
pasaray araku-arukapek tay bakrang
agisem-isem kamet ken naka-ul-ulimek

mayat met tay sasalaam, naparagsit
adda pay pakinnikinni ken rungiit
agkiddakidday, perreperrengennak
mapadanuman ragsak toy kaunggak
nalipatak payen parbangonen biagko
ngem dinak sarungkaran ni turog apo

inawis kaman mapan baba nga makisala
nangalaak “mai tai” adda pay sabong na
bagay isem mo ken badum nga nalabbaga
nakasala ta met namindua, mapudutan ka
nagtultuloy ta itay nakaul-ulimek nga playa
diyay ta binalbaliwan manen dagiti sapata

�

http://poemhunter.com/manonton-dalan/