Lumabaskami pay, apo, dimon kuna,
Ta sipud pay sinakayam ‘ta tikbalang
Nagbalinkan a lawag ket nangwakniten
Amin a beddeng ti law-ang, nagbalinen
Ti uniberso a lang-ay ken ayuyang, wen,
Nagun-odmon ti punganay a kaikariam.

Ayna, kunam, mangparnuay pay iti arapaap
A pangiwaywayan ‘toy parmata,
Ngem tuduen met dagiti anghel ni Amam
A mangparbo’t sabali pay a tay-ak,
Ala dinto ket agampit ‘ta kararuam
Ket lumnekka lattan a kasla napug-awan
A bituen iti law-ang.

 
* Bannawag, Hulio 15, 1985
* Talibagok, Antolohia Ti Dandaniw, Benjamin M. Pascual, Jose A. Bragado ken Cles B. Rambaud, eds. Metro Manila: GUMIL Metro Manila, c 1987), p. 57
* Bileg ti Balikas: Pang-unawa sa Piling Tula ni Juan S.P. Hidalgo, Jr. sa Konteksto ng Kanyang Piling Painting, ni Dr. Aurelio S. Agcaoili, inihanda para sa Pambansang Kumperensiya ukol sa Mga Bago sa Panitikan, Kritisismo at Pagtuturo, Disyembre 4-6, 1996, Unibersidad ng Pilipinas, Diliman, Quezon City.

Posted with permission from the author.