nakitak dagiti sabong nagukrad
no payak a, ket agam-ampayag
natartarnaw nagbubukel a danum
kumkumpet kasla linnaaw ti bulong
ginammatak sumagepsep ramay ko
arig tay naingpis nga bibig agkarayo

binuksilak man maysa a tsokolati
insubok bibig a manaynay nakangisi
kinittab nat nagbassitan a tipping
pinasurutak agek; naamo nga pingping
ayna! nagsam-it nga isem inruknoy
toy barukong ko nagin-innayad nagtuloy

ginaw-at ko rosas sak inpaig-am, maysa
inyarakup nat tengnged ko, inangot na
agar-arasaas, apro-aprusennat bakrang ko
agek-agekak bouk na, napnuan bangbanglo
nairana tuktukaren dat”balasang nakalabbaga ”
nangpakired lalailo ken nangparnuay aligaga

 http://poemhunter.com/manonton-dalan/