narunawen tay adda bangbanglo a kandila
andardarepespes angin anggapo tay tawa
salsalaan angkakapintas naburdaan a kurtina
masirig ko magmagna agsinnumbangir kalsada
dagiti nadungngo nga agtutubo wenno kamaina
mangngeg kon agkanabtoog a tambor hulahula
kumkumpasan sumarsarisig aglagtolagto a sala

ayamuom pinya natedtedan bassit a kalua
inukupan gatat niyog adda pay payong na
sussusopen naingpis bibig a lumabbaga
diyak nasipsiputan ginammatan nat abagak
inyarasaas na nga “aguray ka bassit nagbilinak”
pinisel kot imana ” ala wen, biagko agur-urayak”
inpusipos kot bagik sak simmango, apo ragsak

inabel a seda ar-arakupennat singin a rang-ay
naatiddog kasla naingpis danum agsaysayasay
arakupek koma ngem adda met nagtoktoken
pabessagen na pay dotdot agong ko nagimasen
tinuno nga buldagat, sibuyas, kamatis, tirem
adda pay innapoy, dayap, naimas pangmalem
naumelak inagekak ni biagko, karakep isem

ssssssssssssssssssssssssssssssssssssss

�tano nalaka yo kakabsat nga tarusan ket irugi

diay daniw nga “anya ngata manen” Diyos ti agngina.md

http://poemhunter.com/manonton-dalan/