nalday ima nga umar-arakop itay
nagrinnakep nabannog a kidkiday
napigsat guyod inana umadani
naul-ulimek awan mangngeg uni
umalingasaw ayamuom ni ayat
agtedted ling-et aggapo kurimatmat

sapasapen sipnget guyod nat pul-oy
ngem maaninaw mot aglanglangoy
diyay playa, agkalap dagiti agtutubo
pasungadandat maiyan-anod a limo
adda pay iggem da a lampara
linglingdan nat natirad a pana
ur-urayen da agparang tay kurita
bagsolenda, agsayasay nangisit, tinta

riknak addaak teppang; agbuybuya
maka-apalak siak man tay bimmaba
makitak nagdarakkelan nga sidsida
apros-aprosak, pagilad-iladan tay imak
makatkatawaak, pasaray maaryekak
pagammuan limmagto, tinungpaak

apk= agpagpaggaak

http://poemhunter.com/manonton-dalan/