intugaw ko nga bassit, umay ni lagip
kaslaak guyuden ken iduron maipit-ipit
oh! rikna iyadayum man tay biddut
denggem dagiti rumrumkuas a pudot
inka kitdi ited ta sabong sakbay malaylay
baam kadi naglabas punasem lidliday

sumangbay bang-ar kaunggan, iliw
diyak mamati ngem agpalpaliiw
kuddokuddoten nat derraas rikna
kasla bagkabagkatennat saksaka
ay apo insigida nga mapanak
napintas met la toy langlangak

inselsel kot bagik ta lugan agpangato
adda pay agtutukel nga kararag ko
kadanon ko adda pay mano a kadapan
ngem kaniak ti panagkitak nagadaywan
agkanabtoog toy barukong ko nagtoktok
naglukat, ay nakabangbanglo tay umarakop