Lipatennak
August 22, 2008 by Rudy Ram. Rumbaoa filed under Poetry | 279 views
Lipatennak, no namnamaem
a malipatannak
Guraennak, no namnamaem
a kasuronnak;
Ilunodnak, no namnamaem
a nagbiddutak
Dusaennak, no namnamaem
a maibturak,
Ngem laglagipem koma, Ayatko
Nga addaakto laeng a kalasagmo
Ti ayatko, umap-apoy;
kas taaw a di malansad
Ngem no awanton
ti pategko kenka
Sapay koma ta maawatkonto
tapno dika metten
Pampanunoten ta no saan,
ti iliw a diakto masarkedan
Ibitinnakto iti bayangbayang.
[Copyright.2005.by.RudyRam.Rumbaoa]
[Bannawag.5.27.2005]
___________________________________
Click on the Image for Details
Sherma Benosa
Hello Manong Rudy!
Thank you so much for posting your piece here! Nagriingak ti nag-check iti website ket ania ketdin a ragsakko a nakakita iti contribution mo! Thank you, thank you. You just made my morning, Manongko.
More from you!
August 22nd, 2008 at 8:05 amvirtualfriend
Ka Rudy, nagimaskan Mayyang! Ania ketdin aya ti lailom nga agayat. Kumusta met ngay dagiti aginam?
Pagyamanak ti pannakaisar-ongmo ditoy kabsat. Nayonam man ketdi daytoy pempen tayo bareng laeng masukalanto dagiti mestiso-ilokano a kayatna a parang-ayen ti pagsasao dagiti naggappuanna a puli.
August 27th, 2008 at 4:11 pm