Bannawag Fever Manen!
July 20, 2008 by Sherma E. Benosa filed under Essays | 955 views
Adda manen padpadaanak a nobela ken komiks iti Bannawag: ti Bonete ti Kaibaan ni Apo Jovito Amorin ken Ti Bassit a Kumpay ni Patay ni Apo Cles Rambaud.
Naunday a panawen a saanak a nakagatgatang iti Bannawag, isu nga idi mangrugiak manen nga aggatang itoy a tawen, saanko a ginandat ti nagbasa kadagiti nobela ken maituloyto a komiks ta diak met narugian. Awan ganasna a, no kua. Nangruna ket adda pay dagiti isyu a diak magatang.
Ngem ita, ayna, saanen a mabalin a diak aglinawas a gumatang iti kopiak. Nangruna idi masumokmi kenni Dungngok ti baro a ritualmi: ti panangibasak kenkuana iti maysa wenno dua a sarita iti inaldaw. Kasla metten a, nga adda isuna ditoy Pilipinas. Kasano koma pay a malibtawak ti aggatang ket Domingo pay laeng, ibabaonnakon a mapan agbirok iti Bannawag! Ibagana pay ketdin a kulitek kano dagiti gagayyem iti Bannawag a yadbansdan ti kopiak wenno katungtungek kano ni Manong Jovy ta ipabasana kaniakon ti nobela na. Hahahaha!
Kasano ngamin a di maadik iti Bannawag datao ket nagmayat met ti bala-bala ti Bonete. Kasla met laengen a Harry Potter iti panagkunak. Kas iti nakaadikak met idi a Harry Potter, nalawag met a maimadyinko ti lubong dagiti kaibaan ni Apo Amorin. Nalawa ti imahinasion ti Bonete. Panagkunak ket mabalin a basaen daytoy dagiti ubbing. Agenjoyda la ketdi (diay to pay am-ammok a lakay! Hehehe). Makitkitak pay ketdin ti bagik idi ubingak a nagen-enjoy iti Mr. and Mrs. Alanganin. Ala, ket saan pay a pang-ubing daydiay a komiks!
Mapagdidiskusionanmi pay ketdin kada adingko daytoy a nobela no kasta nga umaydak bisitaen ditoy Manila. Agpanpanunot pay ketdin ti buridekmi kadagiti mabalin nga eksena pay iti nobela. J Ti laeng makunak, nasayaat no mailibronto met daytoy a nobela. Ay, gumatangak la ketdi iti kopiak. Ibunongakto pay dagiti kakaanakak iti basaenda. Hamman!
Makapikapik met ti Bassit a Kumpay ni Patay. Hayna, no makitayo la koma ti itsura ti buridekmi (agedad iti 25) no kasta a basaenna. Gumigis, no kunak. Sa pay umisem amin a matana. Makapasurot.
Naminsan ket nag-reminisce kami pay kadagiti addik gapu iti daytoy a komiks. Diak ngaminen malagip ti istoria ti Kumpay ni Patay (I). Ania pay, dakkel a kantiawda a kaniak. Ngem di bale, uray ta inyestoria da met ti rugi ken gibus ti part I.
Naminsan a patpaturogek ni Dungngok, pinadasko man nga imbasa kaniana ti Kumpay, pati dagiti ulk ken hiyaaaaaa kasta met ti h ni Gusting iti Hamah ken Hasiang! Ania pay, imbes a makaturog, namurmurayan ketdi ta kasta unay met ti elleknan. Kaloka, kunkunak lattan a. Naghirit la ngarud iti maysa pay a sarita. Ama, uray la nagmaga ti karabukobko a nagibasbasa. Tallo, kunam man! Ngem di bale, uray ta makitak a mayat ti epekto kaniana ti panangibasbasak kadagiti sarita ken nobela iti Bannawag. Bareng maimbaganton ket makaawidto metten. Sumarunonto met ngatan ti “Tan tan tanan .
Ne, ania ti ibagbagakon? Nakaadayoak manen. Hehe. Ngem wen, agpayso ti kunkunak. Dakkel a tulong kadakami a dua ti Bannawag.
Dakayo, ania ti paboritoyo a basbasaen ita iti Bannawag?
VF
Ne, sosi met gayamen ti Bannawag yos. Adda met gayamen bar code na! La, barbareng no addanto metten bar code reader diay tiangge ni Nana Tomasa hehehe!
Dayta man cover girl ti kailiwko iti Bannawag. Mok man no adda pay dagidi retrato ni Elisabeth Oropesa nga induldulinko hehehe!
July 27th, 2008 at 7:56 amVF
Ania, ibasaannak wenno saan?
August 6th, 2008 at 2:21 pmstern57
dimo kadi kayat no siakon iti mangbasa kenka iti PB hehehe!bareng la no agawid kan a dina oras adingko no makakita ka iti gurls!
August 8th, 2008 at 7:41 pmVF
Ka Aymee, ti la ipalpalagipmo! Pay man hehehehe!
August 16th, 2008 at 2:03 pmSherma Benosa
Hello folks. Hope you’re enjoyng your stay here. Hehehehe.
VF, Manang Stern, intayon idiay forum. Mabalinen, hehehehe!
http://bilingualpen.com/forums
August 19th, 2008 at 11:07 amQuintin Mariano
I hope you can stow away that magical morror and capture all the magical moments that you are dreaming of dear little girl…. yeah, dreaming is for little girls……You know what? you are so sweet, a strong woman! I know you are so pure in your convictions and caring and full of hope. I admire you and I don’t have to ask the mirror how good you are……you know who you are ( and I know who you are) , and you deserve a better fate! That’s why I pray to the CREATOR of us all to dispel that virtual deceit and excercise HIS Devine intervention granting you a very special present with the news that your Sweetie is now in good health and can now proceed to your intended rendezvous, and however delayed it may be, so is my greeting… belated HAPPY BIRTHDAY pretty lady!!!
March 30th, 2009 at 11:17 amSherma
Manong Quintin! How are you?
Ne, ket nagranata met, gayyem. Madamaak nga agkomkomento kadagiti poste itay nagkomentoka. Still here?
Thank you so much, Manongko.
Speechlessak metten, sika. Hehe.
Thanks for the friendship. And for being so good to me.
God bless you!
March 30th, 2009 at 11:31 amJay- r Mauricio
mayat nga tal-talaga ti agbasa ti pagiwarnak nga bannawag, idi ubing nak pay, malagip ko manen, no mapan nak agpastor ti nuang ken baka ni apong ko nga lakay, ilib-libas ko ti agitugot ti bannawag, ni apong ko nga baket pirmi ti ung-ingit na kanyak, ngamin no malpas ti pangaldaw mi, nagimas ti uldag ni apong ko nga baket iggem na tay bannawag nga kag gatang na lang,, permi ti busor na kanyak no haan nga isu na tay umuna nga agbasa, aglalo no dan-daniw ken ababa nga istroya, malagip ko lang apo. ngamin itat-ta liwayway met ti isu ditoy bataan.. agyamank la unay.. tay paboritok nga ababa nga istorya ket tres kolores nga ti bida ket tay tallo nga ubbing nga sinsinan nga detective soldado…
April 18th, 2009 at 11:29 amchie
no makabasa nak ti bannawag ket malagip ku met lata daydi dios ti aluad na nga tang lario ken nang aida,..ta isu ti maysa nga banag nga nakaalaan da ti sirib da ken nausar da ti inaldaw aldaw nga panagbiag da idi,isu ti ti liwliwa da ken kanaun da man nga nakaisem nu malpas da nga makabasa ta mapnek da la unay ti linaon na,..
November 3rd, 2009 at 9:59 pm